ಸುದ್ದಿ ಕಣಜ.ಕಾಂ
ನವದೆಹಲಿ: ಡಿಎಲ್ ನವೀಕರಣ, ಡಿಎಲ್ ನಕಲು ಪ್ರತಿ, ವಾಹನ ಚಾಲನಾ ಪರವಾನಗಿ ನವೀಕರಣ, ವಾಹನಗಳ ಆರ್.ಸಿ ಸೇರಿ ಒಟ್ಟು 18 ಸೇವೆಗಳು ಪಡೆಯಲು ಇನ್ಮುಂದೆ ಆರ್.ಟಿ.ಒ ಕಚೇರಿಗೆ ಹೋಗುವ ಅಗತ್ಯವಿಲ್ಲ.
ಪ್ರಾದೇಶಿಕ ಸಾರಿಗೆ ಕಚೇರಿಗಳನ್ನು ಮತ್ತಷ್ಟು ಸ್ಮಾರ್ಟ್ ಮಾಡುವ ನಿಟ್ಟಿನಲ್ಲಿ ರಸ್ತೆ ಸಾರಿಗೆ ಸಚಿವಾಲಯವು ಆಧಾರ್ ದೃಢೀಕರಣ ಆಧಾರಿತ ಸಂಪರ್ಕ ರಹಿತ ಸೇವೆಗಳನ್ನು ನೀಡಲು ಮುಂದಾಗಿದೆ. ಈ ಸೌಲಭ್ಯವನ್ನು ಬಳಸಿ ಕುಳಿತ ಸ್ಥಳದಿಂದಲೇ ಆನ್ಲೈನ್ ನಲ್ಲಿ ಆಧಾರ್ ಆಧಾರ್ ದೃಢೀಕರಣ ಮೂಲಕ ಸೇವೆ ಪಡೆಯಬಹುದಾಗಿದೆ.
ಲಭ್ಯ ಸೇವೆಗಳ ಪಟ್ಟಿ
- ಕಲಿಕಾ ಪರವಾನಗಿ (Learner’s licence)
- ಚಾಲನ ಪರವಾನಗಿ ನವೀಕರಣ
- ಡಿಎಲ್ ನಕಲು ಪ್ರತಿ ಪಡೆಯಲು
- ಡಿಎಲ್ ಮತ್ತು ನೊಂದಣಿ ದಾಖಲೆಗಳಲ್ಲಿನ ವಿಳಾಸ ಬದಲಾವಣೆ
- ಅಂತರರಾಷ್ಟ್ರೀಯ ಚಾಲನಾ ಪರವಾನಗಿ ಪಡೆಯಲು
- ವಾಹನದ ಆರ್.ಸಿ ದಾಖಲೆ ಮರಳಿಸುವುದು
- ಮೋಟಾರು ವಾಹನದ ತಾತ್ಕಾಲಿಕ ನೋಂದಣಿಗೆ ಅರ್ಜಿ
- ಮೋಟಾರು ವಾಹನದ ನೋಂದಣಿಗೆ ಅರ್ಜಿ
- ನೋಂದಣಿ ದ್ವಿಪ್ರತಿ ಪ್ರಮಾಣಪತ್ರ ವಿತರಣೆ ಅರ್ಜಿ
- ನೋಂದಣಿ ಪ್ರಮಾಣ ಪತ್ರಕ್ಕಾಗಿ ಎನ್.ಒ.ಸಿ ಅನುಮತಿ ಅರ್ಜಿ
- ಮೋಟಾರು ವಾಹನದ ಮಾಲೀಕತ್ವದ ವರ್ಗಾವಣೆ ನೋಟಿಸ್
- ಮೋಟಾರು ವಾಹನದ ಮಾಲೀಕತ್ವ ವರ್ಗಾವಣೆಗೆ ಅರ್ಜಿ
- ನೋಂದಣಿ ಪ್ರಮಾಣ ಪತ್ರದಲ್ಲಿ ವಿಳಾಸ ಬದಲಾವಣೆಯ ಮಾಹಿತಿ
- ಮಾನ್ಯತೆ ಪಡೆದ ಚಾಲಕ ತರಬೇತಿ ಕೇಂದ್ರದಿಂದ ತರಬೇತಿಗಾಗಿ ನೊಂದಣಿಗೆ ಅರ್ಜಿ
- ರಾಜತಾಂತ್ರಿಕ ಅಧಿಕಾರಿಯ ಮೋಟಾರು ವಾಹನದ ನೋಂದಣಿ
- ರಾಜತಾಂತ್ರಿಕ ಅಧಿಕಾರಿಯ ಮೋಟಾರು ವಾಹನದ ಹೊಸ ನೋಂದಣಿಯ ಗುರುತು ನಿಯೋಜನೆ
- ಬಾಡಿಗೆ ಮತ್ತು ಖರೀದಿ ಒಪ್ಪಂದದ ಅನುಮತಿ ಅನುಮೋದನೆ
- ಬಾಡಿಗೆ ಮತ್ತು ಖರೀದಿ ಒಪ್ಪಂದ ರದ್ದತಿ