ಸಿಎಂ ಫೈನಲ್ ಬೆನ್ನಲ್ಲೇ ಶುರುವಾಯ್ತು ಸಚಿವ ಸ್ಥಾನ ಲೆಕ್ಕಾಚಾರ, ಯಾರಿಗೆ ಸಿಗಲಿದೆ ಸಚಿವ ಸ್ಥಾನ, ಯಾರದ್ದೇನು ಪ್ಲಸ್ ಪಾಯಿಂಟ್?

ಸುದ್ದಿ ಕಣಜ.ಕಾಂ
ಶಿವಮೊಗ್ಗ: ಬಸವರಾಜ್ ಬೊಮ್ಮಾಯಿ ಅವರು ಮುಖ್ಯಮಂತ್ರಿ ಗದ್ದುಗೆ ಏರಿದ್ದೇ ಸಚಿವ ಸ್ಥಾನಗಳ ಆಕಾಂಕ್ಷಿಗಳ ಪಟ್ಟಿ ಏರಿಕೆಯಾಗುತ್ತಿದೆ. ಯಾರಿಗೆ ಸಚಿವಗಿರಿ ಸಿಗಲಿದೆ ಎಂಬುವ ವಿಚಾರ ಗರಿಗೆದರಿದೆ.

https://www.suddikanaja.com/2021/04/24/fraud-agency-cheated-a-man/

ಕೆ.ಎಸ್.ಈಶ್ವರಪ್ಪ | ಹಿರಿಯ ರಾಜಕಾರಣಿ, ಪಕ್ಷದಲ್ಲಿ ವಿವಿಧ ಹಂತಗಳಲ್ಲಿ ಕೆಲಸ ಮಾಡಿದ್ದಾರೆ. ಮಾಜಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರೊಂದಿಗೆ ಪಕ್ಷ ಕಟ್ಟುವುದಕ್ಕಾಗಿ ನಿರಂತರ ಕಾರ್ಯನಿರ್ವಹಿಸಿದ್ದಾರೆ. ಆರ್.ಎಸ್.ಎಸ್. ಜೊತೆ ಉತ್ತಮ ಬಾಂಧವ್ಯವಿದೆ. ಇದೆಲ್ಲ ಇವರ ಪ್ಲಸ್ ಪಾಯಿಂಟ್ ಆಗಿವೆ. ಇತ್ತೀಚೆಗೆ, ವೈರಲ್ ಆಗಿದ್ದ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಅವರ ಆಡಿಯೋ ಸಂಭಾಷಣೆಯಲ್ಲಿ ಈಶ್ವರಪ್ಪ ಅವರನ್ನೂ ಕೆಳಗಿಳಿಸುವ ಬಗ್ಗೆ ಪ್ರಸ್ತಾಪಿಸಲಾಗಿದೆ. ಬಿಜೆಪಿ ಅಧಿಕಾರ ಅವಧಿಯಲ್ಲಿಯೇ ಡಿಸಿಎಂ ಮತ್ತು ಸಚಿವರಾಗಿದ್ದಾರೆ. ಈ ಸಲ ಹೊಸಬರಿಗೆ ಅವಕಾಶ ನೀಡಬೇಕು ಎಂಬುವುದು ಹೈಕಮಾಂಡ್ ನಿರ್ದೇಶನ ಇದೆ. ಇವೆಲ್ಲ ಈಶ್ವರಪ್ಪ ಅವರ ಪಾಲಿಗೆ ನೆಗೆಟಿವ್ ಪಾಯಿಂಟ್ ಆಗಿ ಪರಿಣಮಿಸಬಹುದು.

ಕುಮಾರ ಬಂಗಾರಪ್ಪ | ಸೊರಬ ಕ್ಷೇತ್ರದ ಶಾಸಕ ಕುಮಾರ್ ಬಂಗಾರಪ್ಪ ಅವರೂ ಸಚಿವ ಸ್ಥಾನ ಆಕಾಂಕ್ಷಿಯಾಗಿದ್ದಾರೆ. ಮಾಜಿ ಸಿಎಂ ಬಂಗಾರಪ್ಪ ಅವರ ಪುತ್ರ ಎಂಬುವುದು ಇವರ ಪ್ಲಸ್ ಪಾಯಿಂಟ್. ಪ್ರಬಲ ಈಡಿಗ ಸಮುದಾಯದಕ್ಕೆ ಸೇರಿದ್ದು, ಸಚಿವ ಸ್ಥಾನ ನಿಭಾಯಿಸುವ ಸಾಧ್ಯತೆ ಇರುವುದರಿಂದ ಇವರ ಹೆಸರೂ ಕೇಳಿಬರುತ್ತಿದೆ. ಈ ಹಿಂದೆ ಸಚಿವರಾಗಿ ಕಾರ್ಯನಿರ್ವಹಿಸಿದ ಅನುಭವವೂ ಇದೆ.

ಸುನೀಲ್ ಕುಮಾರ್ | ಶಿವಮೊಗ್ಗ ಜಿಲ್ಲೆಯ ಈ ಎಲ್ಲ ಹೆಸರುಗಳ ನಡುವೆ ಕಾರ್ಕಳ ಶಾಸಕ ಸುನೀಲ್ ಕುಮಾರ್ ಅವರು ರೇಸ್ ನಲ್ಲಿದ್ದಾರೆ. ಒಂದುವೇಳೆ, ಇವರು ಸಂಪುಟದಲ್ಲಿ ಸ್ಥಾನ ಗಿಟ್ಟಿಸಿಕೊಂಡರೆ ಹಾಲಪ್ಪ ಮತ್ತು ಕುಮಾರ್ ಬಂಗಾರಪ್ಪ ಅವರಿಗೆ ಸಂಪುಟ ಎಂಟ್ರಿ ಕಷ್ಟವಾಗಲಿದೆ.

https://www.suddikanaja.com/2020/11/03/awardee-drona-life/