ಸುದ್ದಿ ಕಣಜ.ಕಾಂ | CITY | CRIME NEWS
ಶಿವಮೊಗ್ಗ: ಸಮಯ ಸಾಧಿಸಿ ಖದೀಮನೊಬ್ಬ ಯುವತಿಯ ಕೈಯಿಂದಲೇ ಮೊಬೈಲ್ ಕಿತ್ತುಕೊಂಡು ಪರಾರಿಯಾಗಿದ್ದಾನೆ.
ಶಿವಮೊಗ್ಗ ನಗರ ರೈಲು ನಿಲ್ದಾಣದ ಪ್ಲಾಟ್ ಫಾರ್ಮ್ 1ರಲ್ಲಿ ರೈಲಿಗಾಗಿ ಗುರುವಾರ ಮಧ್ಯಾಹ್ನ ಕಾಯುತ್ತ ಕುಳಿತಿದ್ದ ಅಬ್ಬಲಗೆರೆ ಮೂಲದವರು ಎನ್ನಲಾದ ಯುವತಿಯ ಕೈಯಿಂದಲೇ ಮೊಬೈಲ್ ಕಸಿದುಕೊಂಡು ಕಳ್ಳ ಎರಡನೇ ಪ್ಲಾಟ್ ಫಾರ್ಮ್ ಕಡೆಗೆ ಓಡಿ ಹೋಗಿದ್ದಾನೆ. ಯುವತಿಯು ಕಳ್ಳ ಎಂದು ಕೂಗಿಕೊಂಡಿದ್ದೇ ಅಲ್ಲಿಯೇ ಗಸ್ತಿನಲ್ಲಿದ್ದ ಪೊಲೀಸ್ ಸಿಬ್ಬಂದಿ ಆತನಿಗೆ ಅಟ್ಟಿಸಿಕೊಂಡು ಹೋಗಿದ್ದಾರೆ. ಆದರೆ, ಆಗ ವೇಗವಾಗಿ ಓಡಿ ಕಣ್ಮರೆ ಆವಿದ್ದಾನೆ. ಈ ದೃಶ್ಯಾವಳಿಗಳ ಸಿಸಿ ಕ್ಯಾಮೆರಾದಲ್ಲಿ ಸೆರೆ ಆಗಿರಬಹುದೆಂದು ಹುಡುಕಾಟ ನಡೆದಿದೆ.
ಅದೇ ದಿನ ಬೆಳಗ್ಗೆ ಬೋಗಿಯಲ್ಲೇ ಎರಡು ಮೊಬೈಲ್ ಮಿಸ್
ಬೆಂಗಳೂರಿನಿಂದ ತಾಳಗುಪ್ಪಕ್ಕೆ ತೆರಳುವ ರೈಲಿನಲ್ಲಿ ಆಗಮಿಸಿದ ಇಬ್ಬರು ಪ್ರಯಾಣಿಕರ ಮೊಬೈಲ್ ಬೋಗಿಯಲ್ಲೇ ಕಳ್ಳತನ ಮಾಡಲಾಗಿದೆ. ಶಿವಮೊಗ್ಗಕ್ಕೆ ಇಳಿದು ನೋಡಿದಾಗ ಮೊಬೈಲ್ ಇರಲಿಲ್ಲ.
https://www.suddikanaja.com/2021/08/21/gold-smuggling-illegally-seized-in-airport/